Ferramentas

ESCOITA. ferramentas

Sintetizadores FM, chip a chip.

Dous instrumentos feitos en Escoita. Sen mostras e sen latencia: calculan o chip mostra a mostra, coma o de verdade. De balde e de código aberto, para Mac, Windows e Linux.

Ver ↓

Barullo FM

O chip de 2 operadores dun teclado, cos seus 100 sons.

 Ver ↓

Barullo 7FM

6 operadores, 32 algoritmos e os sons do DX7.

Barullo FM

v0.4.0 VST3 · AU · LV2 · App Código aberto ↗

O chip FM de 2 operadores dun teclado, emulado rexistro a rexistro e calibrado coa gravación do chip real. Cos seus 100 sons, tal e como saen del.

SonPiano

Os marcados «·2» usan dúas canles por nota: 12 saen en estéreo e 6 levan dúas capas.

Cada son toca un anaco curto, coma a demo do teclado. Está gravado co motor do plugin, nota a nota: o que oes é o que sae del.

Que ten

  • Sen mostras nin latencia

    O chip calcúlase mostra a mostra. Latencia declarada ao DAW: 0.

  • 8 canles, ou 64

    Coma o teclado: unha nota nova rouba a canle máis antiga. Con «Sen límite», chips virtuais ata 64 canles e xa non se corta ningunha.

  • O movemento do teclado

    Vibratos, trémolos e barridos gravados do teclado real, á mostra exacta. E a caída de cada son ao soltar.

  • Editor de sons

    Modulador e portadora (multiplicador, nivel, envolvente, KSR, media onda), realimentación e saídas. «Restaurar orixinal» desfaino.

  • O altavoz

    O ecualizador do altavoz do teclado ou plano, saturación de altavoz pequeno e un limitador a −1 dBFS: nunca satura.

  • Sen aliasing

    Filtro de fase mínima co mesmo ton: o ruído baixa a −88…−97 dB e o atraso é de 0,07 ms.

  • Para tocalo

    Bend de ata 12 semitons, roda de modulación, velocidade e pedal. Cambio de programa = número de son.

  • Ventá redimensionable

    Do 60 % ao 200 %. O tamaño, o son e os sons editados gárdanse co proxecto.

A páxina «Chip»

O chip, visto dende arriba

Coas súas 18 patas e os seus nomes. Dentro, a súa memoria de rexistros en vivo: cada casa acéndese cando o teclado a escribe, e as patas D0–D7 amosan os bits do último byte que pasou polo bus.

As catro patas que ninguén identificou levan «?».

Probas

  • 0diferenzas en 28,9 millóns de mostras comparadas co emulador
  • 0 msde latencia declarada ao DAW
  • <1 %dun núcleo: 115 veces máis rápido ca o tempo real
  • 10pluginval ao nivel máximo, con probas de interface

Barullo 7FM

v0.1.0 VST3 · AU · LV2 · App Código aberto ↗

Un sintetizador FM de 6 operadores, 32 algoritmos e 16 voces, compatible cos sons do DX7: le e garda os seus .syx e entende o que manda o teclado polo MIDI.

Os 32 algoritmos, debuxados coa mesma táboa que usa o motor. Os verdes son os portadores; o granate, a realimentación.

Cada memoria toca un anaco curto pensado para ese son. Está gravado co motor do plugin, nota a nota: o que oes é o que sae del.

A máquina, chip a chip

  1. CPU

    O programa orixinal, coas súas táboas e os seus redondeos.

  2. EGS

    O xerador de envolventes e frecuencias.

  3. OPS

    O chip de son: log-seno e exponencial, 23 bits de fase e 15 de saída.

  4. Conversor

    12 bits por voz, con mostraxe e retención.

  5. Filtro

    O analóxico de saída, a 16 kHz, e de aí á frecuencia do teu DAW.

Que ten

  • Dous bancos propios

    32 sons cada un, deseñados de cero. CLASICOS: as familias dun banco de fábrica dos 80. BARULLO: os primeiros sons de Escoita.

  • Os teus cartuchos

    Escolle unha carpeta e aparecen todos os seus .syx. Recoñece os bancos de fábrica (ROM1A–ROM4B, VRC101–VRC112) co seu nome. Os miles de bancos compartidos funcionan todos.

  • Fala co teu DX7

    Recibe volcados e cambios de parámetro polo MIDI: move o deslizador do teclado e óese ao momento.

  • Editor completo

    Os seis operadores, os 32 algoritmos debuxados, realimentación, LFO, envolvente de ton, transposición e nome.

  • Memoria interna

    32 sons que se gravan co proxecto. Abre calquera .syx, de 32 sons ou dun só.

  • Para tocalo

    Bend, roda (CC1), sopro (CC2), expresión (CC4), aftertouch e pedal. Cambio de programa = memoria 1–32.

Probas

  • 440,13 Hzo La4, coma no orixinal; todo o teclado a +0,1 cents
  • 1056sons tocados un por un en cada compilación
  • =ler e volver gardar un .syx dá exactamente os mesmos bytes
  • 10pluginval ao nivel máximo; auval no Mac

O chip de son segue a análise do silicio de Ken Shirriff; o programa da CPU, o desensamblado comentado de ajxs; as envolventes e a desafinación, as medidas de Music Synthesizer for Android (© Google, Apache 2.0). DX7 é unha marca do seu dono: Barullo 7FM só le os seus sons.

De balde · código aberto

Descargas

Instrumento para o teu DAW (VST3, AU no Mac e LV2 en Linux) e tamén como app independente. O código está aberto en GitHub, coa licenza AGPL-3.0: podes miralo, compilalo e melloralo.

Se o Mac avisa ao abrilo: clic dereito sobre o instalador → Abrir → Abrir.

Se Windows avisa: «Windows protexeu o teu PC» → Máis información → Executar de todos os xeitos.

Avisan porque os instaladores non levan unha sinatura de pago, non porque haxa nada raro.

Despois, volve abrir o DAW e busca «Barullo» entre os instrumentos.